නිල් සයුර දෙස බලා - මගෙන් ඈතට වෙලා

හඬයි ඔබ මා පෙලා - උණ වැටට බර වෙලා

පේනවද අර අතන - රුවල් ඔරු කඳ පරණ
වෙනදාට අත වනන - පොඩි එවුන් නෑ එතන

සරුංගල් පිරි අහස - අද අඳුරු වූ රහස

නොදැන වැළපෙයි කුරුස - සොහොනෙ ගෙවමින් දවස

වෙනදාට හරි ජයට - දැල් අදින කණිසමට

එන රුහුණු කුමරියට - වස් වදියි පමාවට

සිතිජයේ මැද තැනෙක - හිරු ගිලෙන යාමයක

ඔබ සමග පෙර දිනෙක - විඳි සුවය ඇත මතක

තත්පරෙන් තත්පරය - ගෙවෙන සැන්දෑ සමය

මට කියන කාරණය - ඔබ වෙනස් වූ බවය

කඳුළු දුන් ආදරෙන් - අපි වෙන්ව යමු ඉතින්

හිරු සැඟව ගිය සැනින් - ඔබ ඔහෙන්- මං මෙහෙන් !